Улуттук энергохолдингдин Башкармасынын Төрагасы Нурбек Козубеков Жалал-Абад облусундагы электр энергетикалык объекттердин күз-кыш мезгилин өтүүсүнүн жүрүшү менен таанышты
Поделиться материалом
Опубликовано: 01 декабря 2020

Улуттук энергохолдингдин Башкармасынын Төрагасы Нурбек Козубеков иш сапары менен Жалал-Абад облусуна барып, электр энергетикалык объекттердин күз-кыш мезгилин өтүүсүнүн жүрүшү менен таанышты.

“Жалалабатэлектро” ААКтын райондук электр тармактарына болгон сапарынын жүрүшүндө акционердик коомдун Башкы директору Дурусбек Рахманов билдиргендей, жыл башынан бери компания эскирген 3 миң зым тирөөчтү алмаштырып, 64 көмөк чордонду оңдоду.  156,1 км 35 кВ электр берүү чубалгылары калыбына келтирилип, 2070 дааны 6-10/04 кВ трансформатордук көмөк чордондор оңдолду.

Улуттук энергохолдингдин башчысы зым тирөөч чыгаруучу темир-бетон заводунун ишмердиги, авариялык-оңдоо бригадалардын кызматкерлеринин иштөө шарттары менен таанышып, РЭТтердин кампаларында зарыл болгон материалдардын, авариялык камдыктардын бар экендигин карап көрдү.

Облус боюнча иш сапарынын жүрүшүндө Нурбек Козубеков, ошондой эле Жалал-Абад Жогорку чыңалуудагы электр тармактары ишканасынын объекттеринин ишмердиги менен таанышып, анын ичинде “Датка” көмөк чордонуна да барды.

“КУЭТ” ААКтын Башкы директору Эмил Куданалиев аткарылган оңдоп-түзөө иштери, облустагы жогорку чыңалуудагы көмөк чордондордун ишенимдүүлүгүн жана эксплуатациялоонун шарттарын жакшыртуу үчүн негизги жабдууларды алмаштыруу жана реконструкциялоо боюнча маалымат берди.

Жогорку чыңалуудагы жана райондук электр тармактарынын жетекчилерине күз-кыш мезгилин ийгиликтүү өтүү, ошондой эле керектөөчүлөрдү электр менен үзгүлтүксүз камсыздоо жана мүмкүн болуучу авариялык өчүрүүлөргө ыкчам жооп кайтаруу боюнча милдеттер коюлду.

Поделиться материалом
Другие материалы в категории Жаңылыктар

Улуттук энергетикалык холдингдин башкармасынын төрагасы Бакыт Сыдыков Башкарманын төрагасынын жаңы бекитилген орун басарлары Жолдошбек Ачикеевди жана Мирбек Маматовду эмгек жамааты менен тааныштырды.

 Улуттук энергохолдингдин башкармасынын төрагасы Бакыт Сыдыков энергетика тармагынын ардагерлери менен жолугушуп, аларды Ата Мекенди коргоо күнү менен куттуктады.

Кыргыз Республикасынын Энергетика жана өнөр жай министри Кубанычбек Турдубаев, Башкарманын төрагасы болуп дайындалган Бакыт Сыдыковду Улуттук Энергохолдингдин эмгек жамааты менен тааныштырды.